వైఎస్ జ‌గ‌న్ : ఎన్నిక‌ల ఫ‌లితాల‌కు ముందే మరో సంచ‌ల‌న నిర్ణ‌యం..!

0
990

వైఎస్ఆర్ కాంగ్రెస్ పార్టీ అధినేత వైఎస్ జ‌గ‌న్ మోహ‌న్‌రెడ్డి సార్వ‌త్రిక ఎన్నిక‌ల ఫ‌లితాల‌కు ముందు మ‌రో సంచ‌ల‌న నిర్ణ‌యం తీసుకున్నారు. అయితే, ఏప్రిల్ 11న ఏపీ వ్యాప్తంగా జ‌రిగిన సార్వ‌త్రిక ఎన్నిక‌ల్లో వైసీపీ శ్రేణులు ఆచితూచి అడుగులు వేసిన సంగ‌తి తెలిసిందే. 2014 ఎన్నికల్లో జ‌రిగిన పొర‌పాట్ల‌ను నెమరువేసుకుంటూ, అవే మ‌ళ్లీ పున‌రావృతం కాకుండా, మ‌ళ్లీ కొత్త పొర‌పాట్ల‌కు చోటు ఇవ్వ‌కుండా, అన్ని విధాలా జాగ్ర‌త్త‌లు పాటించారు.

ఏప్రిల్ 11వ తేదీన పోలింగ్ జ‌రుగుతుంద‌న‌గా వైఎస్ జ‌గ‌న్ మోహ‌న్‌రెడ్ది అన్ని నియోకవ‌ర్గాల ఎమ్మెల్యే అభ్య‌ర్ధుల‌తోటి, అలాగే పోలింగ్ బూత్‌ల‌కు సంబంధించి పార్టీ కార్య‌క‌ర్త‌ల‌తో స‌మావేశాలు నిర్వ‌హించిన సంగ‌తి తెలిసిందే. పోలింగ్ స‌మ‌యంలో ప్ర‌త్య‌ర్ధ పార్టీలు రిగ్గింగ్‌కు పాల్పడే అవ‌కాశాలు ఉన్నాయ‌ని, అటువంటి స‌మ‌స్యే గ‌నుక ఎదురైతే ప్ర‌తి ఒక్క‌రూ అప్ర‌మ‌త్త‌మై ఆ ఘ‌ట‌న‌ల‌కు సంబంధించి ఆధారాల‌ను సేక‌రించాల‌ని సూచించారు.

వైఎస్ జ‌గ‌న్ మోహ‌న్‌రెడ్డి ఆదేశానుసారం వైసీపీ కార్య‌క‌ర్తులు, నాయ‌కులు ఎన్నిక‌ల వేళ అన్ని విధాల కృషి చేశారు. ప్ర‌త్య‌ర్ధ పార్టీలు చేస్తున్న అన్ని కుట్ర‌ల‌ను వీడియోల‌తో స‌హా సోష‌ల్ మీడియాలో పెట్టారు. ఆ వీడియోలే ఇప్పుడు ప్ర‌త్య‌ర్ధ పార్టీల‌పై ఎన్నిక‌ల సంఘానికి ఫిర్యాదు చేసేందుకు వైసీపీకి ఉపయోగ‌ప‌డ్డాయ‌ని రాజ‌కీయ విశ్లేష‌కులు అభిప్రాయ‌ప‌డుతున్నారు.

ఇలా నాడు జ‌గ‌న్ తీసుకున్న నిర్ణ‌యం ఎంతో ఉప‌యోగ‌ప‌డింద‌ని, మ‌ళ్లీ అటువంటి వ్యూహాత్మ‌క నిర్ణ‌యాన్నే ఈవీఎంల‌లోని ఓట్ల కౌంటింగ్ వేళ వైఎస్ జ‌గ‌న్ అమ‌లు చేయ‌నున్నార‌న్న‌ది తాజా స‌మాచారం. ఏప్రిల్ 11న చోటు చేసుకున్న ప‌రిణామాల‌కు మ‌ళ్లీ తావివ్వ‌కుండా ఈవీఎంల కౌంటింగ్ స‌జావుగా జ‌రిగేలా స‌హక‌రిస్తూనే, ప్ర‌త్య‌ర్ధ పార్టీల కుట్ర‌ల‌ను తిప్పి కొట్టాల‌ని వైసీపీ శ్రేణుల‌కు ఆ పార్టీ అధినేత వైఎస్ జ‌గ‌న్ మోహ‌న్‌రెడ్డి ఆదేశించారు.