ప్ర‌పంచ కుబేరుల జాబితా..!

0
79

అమెజాన్ సీఈవో జెఫ్ బెజోస్ ప్ర‌పంచంలోని అత్యంత ధ‌న‌వంతుడి స్థానాన్ని ప‌దిల‌ప‌రుచుకున్నాడు. బ్లూంబ‌ర్గ్ బిలియ‌నీర్ ఇండిక్స్ విడుద‌ల చేసిన జాబితాలో ఆయ‌న తొలిస్థానంలో నిలిచారు. బెజోస్ త‌రువాత రెండో స్థానంలో కొన‌సాగుతున్న మైక్రోసాఫ్ట్ కార్పొరేష‌న్ స‌హ వ్య‌వస్థాప‌కుడు బిల్‌గేట్స్‌కు ఈ సారి షాక్ త‌గిలింది.

గేట్స్‌ను వెన‌క్కునెట్టి ఎల్వీఎంహెచ్ సీఈవో బెర్నార్డ్ ఆర్నాల్ట్ రెండో స్థానంలో నిలిచారు. ఆర్నాల్డ్ మొత్తం ఆస్తుల విలువ 108 బిలియ‌న్ డాల‌ర్స్. అమెజాన్ చీఫ్ జెఫ్ బెజోస్ త‌న భార్య మకెంజి బెజోస్ భారీగా భ‌ర‌ణం స‌మ‌ర్పించుకున్న‌ప్ప‌టికీ 125 బిలియ‌న్ డాల‌ర్స్‌తో తొలిస్థానంలో నిలిచారు.

బిల్‌గేట్స్ త‌న సంస‌ద‌న‌లోని 35 బిలియ‌న్ బిల్ అండ్ మిలిందా గేట్స్ ఫౌండేషన్‌కు విరాళంగా ఇచ్చిన‌ప్ప‌టికీ మూడో స్థానంలో నిలిచారు. అమెజాన్ చీఫ్ బెజోస్‌తో విడాకులు తీసుకుని భ‌ర‌ణం పొందిన మకెంజి ధ‌నిక మ‌హిళ‌ల జాబితాలో నాలుగో స్థానంలో నిలిచారు. ఆమె నిక‌ర ఆస్తుల విలువ 40 బిలియ‌న్ డాల‌ర్లు.

రిల‌య‌న్స్ ఇండ‌స్ట్రీస్ అధినేత అనీల్ అంబాని భార‌త్‌లో అత్యంత ధ‌నికుడిగా తన స్థానాన్ని పదిల‌ప‌రుచుకున్నారు. ఆయ‌న ఆస్తుల విలువ 51.8 బిలియ‌న్ డాల‌ర్లు. ప్ర‌పంచ వ్యాప్తంగా అనీల్ అంబానీ 13వ స్థానంలో నిలిచారు. అంబానీ త‌రువాతి స్థానంలో విప్రో అధినేత అజిమ్ ప్రేమ్‌జి 20.5 బిలియన్ డాలర్లతో రెండో స్థానంలో ( ప్ర‌పంచ వ్యాప్తంగా 48వ స్థానం) నిలిచారు. హెచ్‌సీఎల్ టెక్స్ శివ నాడార్ 92వ స్థానంలో, కొట‌క్ మ‌హేంద్ర ఎండీ ఉదయ్ కొటక్‌ 96వ స్థానంలో ఉన్నారు.